999

Lögreglan í Aberdeen er með auðvelt númer, 999. Lenti í því í kvöld að þurfa að kalla út lögreglu þar sem hvein í öryggiskerfi íbúðarinnar fyrir neðan mig. Hljóðið í kerfinu var svo hávært að  nágrannar í næstu húsum drifu að og fussuðu og sveiuðu og vildu frið. Sem eini fulltrúi stigagangsins, sem var heima, varð ég að axla þá ábyrgð að finna út hvort um var að ræða þjófavarnarkerfi, brunavarnakerfi eða gasleka. Íbúðin er nýlega seld og enginn býr í henni sem stendur. Lánaði löggunni stól til að standa upp á og kíkja í gluggann sem er staðsettur fyrir ofan  inngöngudyr íbúðarinnar. Auk þess sem löggurnar hér eru smávaxnar miðað við Geir Jón og félaga heima þá er lofthæð íbúða hér miklu meiri en gengur og gerist á Íslandi. Litlu löggurnar klifruðu semsagt upp á stólinn og kíktu inn um gluggann. En viti menn að á meðan loftfimleikum þeirra stóð fór að draga úr óhljóðum uns þau dóu út. Batteríð tómt eða var þetta kannski bara gömul vekjaraklukka eftir allt saman? 

Athugasemdir

[Erna María (IP-tala skráð) 17.9.2007 kl. 14:22]

Gaman hvað þú ert dugleg að blogga mamma mín, sakna þín!!

[Ýr Þrastardóttir (IP-tala skráð) 17.9.2007 kl. 19:23]

Hahahaha, gaman að lesa bloggið þitt mamma, þú ert svo mikill húmoristi. Það rignir ennþá hér heima og ég er að verða hin mesti innipúki, sakna þín ;) Kv. Ýr.