Kaffikaka í kastala

Helgin er búin að vera frábær. Ákváðum að rannsaka svæðið norðan við Aberdeen og fórum í góðan bíltúr í gær. Fallegar víkur og vogar, langar hvítar strendur og glampandi sól sem fylgdi okkur allan daginn og hefur í raun verið fylgifiskur ferðalanganna frá því á föstudag. Fórum aðeins í bæina við ströndina. Sumir hálfeymdarlegir, eins og Petershead með niðurníddum húsum og illa hirtu hafnarsvæði.Toppurinn á deginum var heimsókn í Delgatie Kastala sem er tæplega þúsund ára gamall. Þar var athvarf Maríu Skotadrottningu í nokkra daga í bardaganum mikla við Corriche . Starfsemin í kastalanum er rekinn af sjálfboðaliðum og er megin tekjulindin í gegnum veitingasölu. Enda yndisleg lítil testofa með úrvali af góðum kökum. Smökkuðum þrjár tegundir, pabbi var með þá bestu, kaffikökuna, sem ég mæli hikstalaust með. Vel þess virði að fara aftur, fyrir eina sneið .

Athugasemdir

[Anna Karen (IP-tala skráð) 1.10.2007 kl. 16:15]

Frábært blogg hjá þér :)

Hér á föstudag var hæfileikakeppni sem Lyn í eldh. vann með glæsibrag! Tveir keppendur, hún og F.Bridde.  Það mættu 30 manns og við vorum í mötuneytinu...legg ekki meira á þig! 30 manns...

Ég verð að játa mig sigraða og fara út úr sápukúlunni, viðurkenni hér með slæman móral á vinnustað!

Þín var saknað og ég margbúin að endurtaka að yfirmaður okkar í fyrra mætti OG sá um að fleiri mættu.

 Gangi þér vel :)

Anna Karen

[Regína (IP-tala skráð) 1.10.2007 kl. 17:09]

Takk fyrir kveðjuna Anna Karen!